AYn zuri egokitutako praktika erraza egiten dugu, eta hortik pixkana-pixkanaka egingo duzu aurrera laguntzarekin.

Yoga egiteak zure osasun fisikoa hobetzen laguntzen du eta denbora gutxian askoz hobeto sentiaraziko zaitu.

Era progresiboan berreskuratuko dituzu arintasuna eta mugikortasuna, zure erritmoan eta zure mugei begiratuz.

Oinaze eta traba guzti-guztiak ez dira yogaren bidez konpontzen, baina bai haietako asko; batik bat jarrera-ohitura txarren ondorio badira. Etengabe desagertu edo hobetzen dira.

Nire eskarmentuaren arabera, yogaren praktikak ez du argaltzen, ez bada oso praktika gogor eta jarraia behinik behin. Hala ere, yogaren bidez burmuina lasaiago dago, estimulu gutxiago behar ditu gustuara egoteko, antsietatea murrizten du… eta modu naturalean hobeto jaten eta ohitura hobeak izaten hasten zara. Horrek, argalarazteaz gain, osasuntsuago egotera eramango zaitu.

Asana ondo egitea oinarrizkoa da onura handiena ateratzeko. Jarrera (asana) zuzena izan dadin beharrezkoak diren argibide eta zuzenketa guztiak AYren klase guztietan daude.

Bai. Egokia ez den arnasketak antsietatea areagotzen du. Etengabe etorkizunari begira dagoen garunak beldurra eta antsietatea sortzen du eta gehienetan inoiz gertatuko ez diren egoera izugarriak irudikatzen ditu. Yoga egiteak antsietatea murrizten du arnasa hartzen irakasten dizulako eta burua orekatzen duelako; horrela, burmuina ez da izango hain grinatsua eta orainaz gozatzen ikasiko du.

Arnasketa ona osasunaren oinarria da. AYn arnasketa (pranayama) lantzen dugu. Arnasketa-ariketen bidez zure arnasketa-espazioak irekitzen irakasten dizugu, zure arnasketa zabala eta sakona izan dadin.

AYk estresa murrizteko teknikak jartzen dizkizu eskura. Yoga-teknika horiek sistema parasinpatikoa jartzen dute abian, eta zure organismoa berehala lasaitzen da. 

AYn uneoro zeure barruan egoten ere ikasiko duzu, kanpotik datozkizun estimuluen mendeko izan gabe; horrela, batzuetan estimuluek sortzen duten estresa deuseztuko duzu.

Erantzukizun horiei ahalik eta eraginkorren eta zure indarrak ahitu gabe aurre egin ahal izateko, astean zehar zeure buruarentzako denbora hartu behar duzu, energia hartzeko beta. AY zuretzako espazioa da, deskonektatzeko eta aste osorako energia hartzeko. Laster konturatuko zara egunerokoa errazagoa bihurtzen zaizula.

Yoga burmuina zentratzeko metodoa da. Yoga eginda, garuna ez da nahastua egongo, kontu garrantzitsuei egingo die men, ez da tontakeriatan ibiliko eta eraginkorragoa izango da. AYren praktika osoaren helburua da zeure buruarekin konektatzea lortzea, zure gogoa prestatzeko.

Emozio-onurak dira agertzen lehendabizikoak yoga egitean. Zure gorputzeko tentsioak desagertzean, emozioetakoak eta burukoak ere desagertuko dira. Emozioek zure bizia gobernatzeari utziko diote, eta hobeto sentitzen hasiko zara, armoniatsuago. Denbora gutxian emozionalki hobeto egongo zara.

Yoga egiteak biziarekin duzun harremana aldaraziko du: zure gogoa lasaituko du, besteekin duzun harremana hobetuko da, benetan garrantzitsua denari adi ibiliko zara eta garrantzitsua ez dena baztertuko duzu. Energia gehiago utziko du merezi duenarentzat.